Roniştişo 6. yê dewaya vera kiştoxê Denîze Poyraz Onur Gencerî vizêr salona Zîndanê Şakranî yê Alîagayî de ame kerdene. Roniştişî ra verî heyetê mehkeme nêverda ke avûkatê ke wekaletnameyê înan est ê, debikewê zereyê salone. Avûkatan naye ser o nêrazîbîyayîşê xo mojna û redkerdişê dadgerî kerd. Dima avûkatî salone ra vejîyayî û salone de têna kiştox Onur Gencer û avûkatê ci mendî.

Dozgerî roniştiş de mutelaya xo eşkera kerde. Dozgerî waşt sûcê 'plankerde û qestî ra kiştişî' ra wa cezaya muebedeya giran û cezaya 'binpaykerdişê asayîşê kargehî' û 'zerardayîşê eşyayanê partîyêka sîyasîye' ra cezaya zîndanî ya 7 serran wa bêra dayene Gencerî.

Avûkatê Gencerî seba pawitişî wext waşt. Dima heyetê mehkeme bira xo eşkera kerd. Heyetî waştişê dewaya delîlan ê avûkatanê keyeyê Poyrazî red kerd û roniştiş taloqê 27ê teşrîna peyêne kerd.