Dew û dewekê Colemêrgî serranê 90an de ameybî vengkerdene. Nika zî îqtîdarê AKP-MHPyî nê cayan de sûrîyeyîj, afgan, kirgiz, polîs û leşkeran qeyd keno. Dewa Xelîlan zî nê dewan ra yew a. 

Dewa Xelîlan de vengkerdişî ra verî 30 keyeyî est bîyî. Wisar û hamnanan dewijî seba weyekerdişê heywanan agêrenê û zimistanan bi temamî dewe ra şinê.

Dewijan ANFyî rê vat ke rojanê peyênan de kesê xerîbî, leşker û polîsî dewe ser o ameyê qeydkerdene. Dewijan dîyar kerd ke nê kesî şinas nîyê û vera ney ê do muracatê rayîranê qanûnîyan bikerê. Dewijan ard ziwan ke armancê nê kerdişî no yo ke demografîya Colemêrgî bêra vurnayene û nê kesê ke dewanê înan ser o ameyê qeydkerdene pê rayanê xo AKPyî ser bivisnê.