Îstanbul de 25 kesê ke Rayraşîyayîşê Gemlîkî yo ke semedê Rayberê Şarê Kurdî Abdullah Ocalanî ame kerdene de ameybî destbendkerdene, vizêr sewqê Edlîyeya Çaglayanî bîyî.

Kesê ke bi îdîaya ''goreyê qanûnê  kombîyayîş û çalakîye tênêgerayî'' û slogananê selamkerdişê Ocalan û gerîlayan ameyî sûcdarkerdene înan ra 23 kesî bi şertê kontrolê edlîyî sewqê Dadgerîya Ceza Sulhî bîyî û tîya ameyî veradayene.

Hemserekê HDPyî  yê Kadikoyî Koray Turkay û Endamê Fedarasyonê Komeleya Ciwanan ê Sosyalîstan (SGDF) Îsmaîl Temel zî pîya bi eynî îdîa bi îdîaya ''vera polîsan vejîyayî'' Dadgerîya Ceza Sulhî ya 4. de ameyî tepiştene