Bajarê Dusseldorfî yê Almanya de bi hezaran kesê ke ameyî têhet bi slogana ''Kurdîstanî bipawê'' hêrişê îşxalî yê dewleta tirke yo ke 17ê nîsane de dîya destpêkerdene û îxanetê PDKyî protesto kenê.

Verê destpêkerdişê rayraşîyayşî eşkerayîye ameye dayene û bale ameye antene nê xususan ser:

''Dewleta tirke ya ya îşxalkere wazena heme destkewteyanê kurdan çîn bikero. Gerîlayê azadîye têna yew parçeyê Kurdîstanî nêpawenê, Vakur, Başûr, Rojawan û Rojhilatî pawenê. Gerîlayî anorê merdimîye pawenê. Wayîrvejîyayîşê têkoşînê gerîlayan wezîfeyo merdimî û ehleqî yo. Ewro Tirkîya û PDK kewtî têdest hêrişê şarê kurdî kenê. Nê îxanetî qet yew kurd û tarx do efû nêkerê. Ma bi felsefeya Rayber Apoyî rayra rayraşîyayîş kenê. Kurdîstan do bibo mezelê îşxalker û xayînan. Hinî penîya îşxal û îxanetî ameya. Ma veng danê ke wa şarê Kurdîstanî vejîyo waran û wayîrê têkoşînê gerîlayanê azadîye vejîyo.''