Endama EH Bilduyî ya Wekîla Herêma Xosere ya Baskî Oihana Etxebarrieta servîsê spankî yê ANFyî rê qisey kerd û pare kerd ke înan tim waşto ke Rayberê Şarê Kurdî Abdullah Ocalan wa bêro veradayene. Etxebarrieta îfade kerd ke Ocalan dostêko pîl ê Welatê Baskî yo.

Etxebarrieta ard ziwan ke şarê Baskî hol zaneno ke tepişîyayîşê lîderanê têgêrayîşanê azadîya neteweyîye çira yeno kerdene û vat: ''Ma zanenê ke têkilîyanê Yewîya Ewropa û Konseya Ewropa yê bi Tirkîya ra Ocalan ameyo esîrkerdene la seba ke CPT zîyaretê Ocalanî bikero û seba pêvînayîşê bi keye û avûkatan destûr bêro dayene ganî nê dezgehî tedaya Tirkîya bikerê.

Abdullah Ocalan lîderêko mîyanneteweyî yo ke şarê kurdî tira bawer keno, paştî dano ci, adresê çareserîye yo.''

Etxebarrieta bale ante hêrişanê kîmyewîyan ser û vat: ''Goreyê ma raporê ke hêrişanê kîmyewîyan ê dewleta tirke ser o ameyê amadekerdene, zaf cidî yê. Ma venga OPCWyî danê ke babete ser o cigêrayîşan bikero. Ganî destûr nêro dayene ke Tirkîya bêceza bimana.''