Seba ke waştbi ke hêrişanê kîmyewîyan ser o cigêrayîş bêro kerdene Sereka Konseya Merkezî ya Yewîya Tabîbanê Tirkan (TTB) Şebneme Korur Fîncanci amebî tepiştene. Fîncanciye Zîndanê Cinîyan ê Sîncanî ra mesajêk şawit.

Mesajê Fîncanci wina yo:

''Mi amadekarîya agahdarîyêka bidetaye kerdêne la heyf ke ez tepişîyaye û amadekarîya mi nêmcet mende. Seba ke xebata xo biqedîna mi embazanê xo ra çimeyê zanistî û kilawuzê Neteweyanê Yewbîyayeyan waştî. Key nê bêrê ez xebata xo do biqedîna û şima reyde pare bikera. Ez pê bawer a ke na xebata ke rêçê raştîye teqîb kena, seba ê kesanê ke teqîbê raştîyan ra semed yenê sûcdarkerdene hetkarîye bikera.''