Konseya Kurdan a Demokratîke ya Fransa (CDK-F) û Têgêrayîşê Cinîyan ê Kurdan ê Fransa (TJK-F) seba azadîya Rayberê Şarê Kurdî Abdullah Ocalanî bi şîarê ''Abdullah Ocalanî rê azadîye, kurdan rê edalet'' Parisî ra heta Strasbourgî rayraşîyayîşê dergî yê 25 rojan do bikerê.

TJK-F-CDK-Fyî bi eşkerayîya nuştekîye bale ante tecrîdê serê Rayberê Şarê Kurdî Abdullah Ocalanî ser û semedê tewrbîyayîşê rayraşîyayîşî veng da.

Eşkerayîye de nê ameyî vatene: ''17ê sibate de bi şîarê ''Abdullah Ocalanî rê azadîye, Kurdîstan rê statu''  Kolnê Almanya de do rayraşîyayîşo merkezî bêrokerdene.  Ma do verê nê rayraşîyayîşî çarçeweya hemleya ke dîyaya destpêkerdene de varkûrê Fransa de rayraşîyayîşê 25 rojan bikerê. Ma veng danê şarê xo wa tewrê nê rayraşîyayîşî bibo. Rayraşîyayîş do 22ê çeleyî roja dişemeyî saete 13:00 de Rue La Fayette/Paris de bêro destpêkerdene.''