Hamburg, Kiel û Saarbrucken de yadkerdişê şehîdan

Şaristananê Hamburg, Kiel û Saarbruckenî yê Almanya de gerîlayê HPGyî, şerwanê YPG-YPJyî û ê enternasyonalîstî ameyî yadkerdene.

Şaristananê Hamburg, Kiel û Saabruckenî yê Almanya bi aktîvîteyan şehîdê Kurdîstanî ameyî yadkerdene.

Hamburg de gerîlayê HPGyî Îsa Huseyîn (Çedar Qamişlo) yo ke 25ê teşrîna peyêna 2019î de hêrişê dewleta tirke ya îşxalkere yê vera Herêma Pawitişê Medya de şehîd kewt ame yadkerdene. Yadkerdiş DKTM de ame kerdene û şaristananê Kiel, Bremen û Oldenburgî ra zaf kesî zî tewrê ci bîyî. Yadkerdişî bi deqayêkê rêzgirewtişî dest pêkerd û derheqê Îsa Huseyînî de sînevîzyonêk ame mojnayene. Sîyasetmedarê kurdî Saît Bîlgînî bername de qisey kerd û vat: "Her şehîd seba yewîya kurdan xizmet keno." Temsîlkarê KOMAWî Babîyê Huseyînî qiseykerdişê xo de vat ke ê do rayîrê şehîdan taqîb bikê. Embazê Huseyînî Şivan Yusufî zî vat ke her çiqas Huseyîn dîaspora de zî bi pîl seba azadîya şarê xo têkoşîn kerd.

Saarbucken

Saarbuckenî de zî  semedê Ismet Îsmaîl ( Rizgar Dêrik) o 7ê temmuza 2018î de qezaya Mabata ya Efrînî de pîya bi 7 embazanê şehîd kewt aktîvîteya yadkerdişî ameye organîzekerdene. Yadkerdişî bi deqayêkê rêzgirewtişî dest pêkerd û dima ra derheqê şehîdan de ame qiseykerdene. Ame vatene ke şarê kurdî xeyrê şehîdan heta ewro ameyo û do ewro ra tepîya zî seba ke destkewteyanê xo bipawo do xeta şehîdan de xoverdayîş gird bikero.

Kiel

Şerwanê YPG-YPJyî û şerwanê enternasyonalîstî yê ke hêrişê dewleta tirke yê vera Vakur û Rojhelatê Sûrîye de şehîd kewtî şaristanê Kielî yê Almanya de ameyî yadkerdene. Kurdistanijî, MLKP, Komelê Elewîyan, TEV-DEM û keyeyê şehîdan tewrê bernameyê yadkerdişî bîyî û nameyê Înîsîyatîfê Rojawanî ser o qisey kerd. Qiseykerdişan de ame parekerdene ke ganî şehîdî her hetî ra bêrê wayîrvejîyayene. Qiseykerdişê nameyê MLKPyî ser o zî ame vatene: "Her cayê dinya ra enternasyonalîstî yenê û Rojawan de şehîd kewenê. Ê wexto ke uca de şer kenê benê hêvîya merdimanê Anqara, Almanya, Afrîka û Kizildereyî. TEV-DEMî qiseykerdişê xo de bale ante ser ke ganî Ewropa de her kes wayîrê şorişê Rojawanî bibê. Keyeyanê şehîdan zî vat: "Şehîdî şehîdê nê şarî yê, ganî ma wayîrê înan bivejîyê."Bernameyê yadkerdişî de derheqê şehîdan de sînevîzyonêk ame mojnayene û yadkerdiş bi slogananê "Şehîdî nêmirenî", "Biciwîyo xoverdayîşê Rojawanî", "Biciwîyo têgêrayîşê şoriş o yewbîyaye yê ma."