Komîteya Rayberdişî ya Têgêrayîşê Şorişê Yewbîyayeyî yê Şaran (HBDH) bi wesîleya 1ê Gulane Roja Yewîye, Paştdayîş û Têkoşînî ya Karker û Kedkaran ewro eşkerayîyêka nuştekîye daye.

Eşkerayîya HBDHyî de wina ame vatene:

''Faşîzmê AKP-MHPyî keda karker û kedkaran weno û dişmenê karkeran o. Pê pandemîya vîrusê Korona Tirkîya û Vakurê Kurdîstanî de seba kedkar, karker û bindestan cuye giranêr bîye. Îqtîdar wazeno zerarê xo karkeran ra bivejo, seba ke patronan bipawo tay qanûnî vetî. Seba ke destê îqtîdarî de pere nêmend dest nano heqê kedkaran û karkeran ser. Îqtîdar Sûrîye, Rojawan, Başûrê Kurdîstanî de û Lîbya de operasyonanê leşkerîyan keno û îşxalkerdişan dewam keno.

Ma dekewenê 1ê Gulane ke roja yewîye, têkoşîn û paştdayîşî ya karkeran a. Ganî hêzê Şorişê Yewbîyayeyî prosesê 1ê Gulane rast biercnê. Seba ke girseyan vera faşîzmî rêxistin bikerê îmkananê têkoşînî awan bikerê. Vera faşîzmî berzkerdişê têkoşîn û rêxistinbîyayîşî wezîfeyê ma yo sereke yo. Vera emperyalîzm, kapîtalîzm û faşîzmî ganî ma alaya Şorişê Yewbîyayeyî berz bikerê. Sere de Rojawan, Başûrê Kurdîstanî û Lîbya de ma do vera polîtîkayanê îşxalî xo ver bidê. Zîndanan de kiştoxî vera dîyenê la şorişgêrî zere de vera dîyenê. Ma do hesabê ney bipersê. Ma do kişîyayîşê cinîyan û hîşmendîya serdestîya camêrdan ra zî hesab bipersê.

Pê ruhê Newroze ma do têkoşînê şorişî yê 1ê Gulane de bibê yew.''