Yewina Qesasî ya Orhan Yilmazkaya ya Têgêrayîşê Şorişgêrî yê Yewbîyayeyî yê Şaran (HBDH) eşkerayîyêka nuştekîye daye û da zanayene ke otêla bi nameyê Anatolian a Dîlokî ya ke wayîra 5 estareyan a bi teknîkêkê taybetî hetê yewina înan ra ameye vêşnayene.

Eşkerayîye de nê çîyî ameyî vatene: ''Yewina Qesasî ya Orhan Yilmazkayayî ya HBDHyî ya ma pê metodêkê taybetî saetanê serê sibayî de otêla bi nameyê Anatolian a Dîlokî ya ke seba ci 32 mîlyon dolar ame xerckerdene vêşnaye. Netîceya şewatî de tesîsê otêle yo ke tesîsanê tewr başan ê Tirkîya ra yew o îmha bîyo. Çapemenîye de eşkera bi ke otêle 6 serran ra nata seba sivîlan girewte ya.''

Yewina Qesasî eşkera kerd ke otêle seba ke 5 serran ra nata hetê MÎTî ra xizmetê hemkarîya AKP-DAÎŞî kena girewte ya û na rewşe tesbît bîya. Yewine ard ziwan ke Tirkîya de wexto ke lîderanê cerganê cîhadî Rojawan de qirkerdiş kerdêne na otêle de ameyêne cakerdene û planê qirkerdişî hetê MÎTî ra ameyî kerdene.