Kongreya 10. ya Kongreya Demokratîke ya Şaran (HDK) bi şîara ''Kapîtalîzm, pederşahîye û faşîzmî bikişê; seba cuye xo ver bidê, xo rêxistin bikerê û awan bikerê.'' dest pê kerde.

Hemserekê KCDyî Leyla Guven û Berdan Ozturk, Hemserekê HDPyî Sezaî Temellî, Hemserekê DBPyî Salîha Aydenîz û Erene Keskîn, temsîlkarê zaf partîyan û dezgehan tewrê kongre bîyî ke Akar Otelê Anqara de ameye kerdene.

Hemvervatoxê HDPyî Sedat Şenogluyî vat: "Serra 2020î beno ke seba cografyaya ma biba serra biran. Ma têna qala krîzê ekonomîkî kenê la no krîzê komelkî, sîyasî, ekolojîk û sîstemî yo. Çareserîya ke HDK seba cografyaya ma pêşnîyaz kena seba pêro dinya zî ya.

HDP alternatîf û rayîro hîrêyîn o. Şorişê Rojawanî ney nîşan dano. Yewîya federatîf a ke Rojawan de awan bîye ma wazenê pêro cografyaya Tirkîya û Kurdîstanî de awan bikê.

Hemvervatoxa HDKyî Gulîstane Kiliç Koçyîgît Sêvê Demîr, Pakîze Nayir û Fatma Uyar  yad kerdî û vat: "Ma vanê selam bo Ocalanî rê. Ma do tecrîdî wedarê. Seba weşîye û asayîşê Birêz Ocalanî ma do têkoşînê xo dewam bikê.
Rojawan hedefê AKP-MHPyî de yo. Pêro hêzê kapîtalîstî Rojawan ra ecîz ê. Pawitişê Rojawanî pawitişê ameyoxê ma yo. Eke ma Rojawan vîn bikê Tirkîya de faşîzm do mende bibo."

Kongre bi qiseykerdişanê meymanan dewam kena.