Meclîsê HDKyî yê Îzmîrî û Rêxistina HDPyî ya Îzmîrî, verê Merkezê Kulturî yê Turkane Saylan de, bi şîarê 'Ma vera şerê haştîye, vera mergî cuye bipawê' eşkerayîye daye.

Wekîlê HDPyî Serpîle Kemalbay, Mûrat Çepnî û Gulîstane Koçyîgît û xeylê merdimî tewrê eşkerayîye bîyî. Hemvervatoxa HDKyî Feyzîye Unal eşkerayîye wende.

Unale pare kerd ke polîtîkayê hêrişê îşxalî destkewteyanê şarê kurdî hedef kenê û ganî hêzê şorişgêr û demokratîkî têkoşînê kurdan hetî de ca bigêrê. Unale vat: ''Ma do pîya ameyoxê demokratîkî awan bikerê, vera şerê îqtîdaro ke wazeno erjanê merdimîye binpay keno qetî ser bikewê. Polîtîkayê şerî pêro çimeyanê Tirkîya çin kenê. Nê serranê peyênan de qasê 400 mîlyar dolaran budçe dîyaye şerî. Ma şerê dizan de têrî yê. AKP-MHP wazenê pê şerî emrê îqtîdarê xo derg bikerê.''

Kemalbeye zî seba mîtîngê 1ê Gulane veng da.