Hetkara Hemserekanê HDPyî ya Komîsyonê Kede ra Berpirsîyare Şazîye Kose bi wesîleya 1ê Gulane Roja Têkoşîn, Paştdayîş û Yewîye ya Mîyanneteweyîye ya Karkeran eşkerayîyêka nuştekîye weşanaye.

Eşkerayîye de ame vatene: ''Ne Tirkîya de ne zî dinya de krîz rîyê janî ra nêvejîyo werte. Cara krîzêko giran ê ekonomîkî estbi û janî zî no krîz kerd giranêr. Hukmatan seba sermaye paketî ardî vernî vat 'destpêkê ekonomîyî' û bi nê hawayî weşîya şarî pey goş kerde.''

Eşkerayîye de tedbîrê vera vîrusê Korona ameyî vîrvistene û ame vatene: ''Karker û kedkarî mîyanê lapanê mergî de mabênê vêşanîye û janî de vera dîyayî.
Seba afernayîşê cuyêka newîye 1ê Gulane yê meserî ma her ca de yê. Ma keyeyan de, şûmşînan de, kuçeyan de, nêweşxaneyan de, kargehan de pê tilîlîyan têkoşîn pîl kenê, cuye vindarnenê û 1ê Gulane fîraz kenê.''