Rêxistina HDPyî ya Dêrsimî û MEBYA-DER Dêrsim de werdgehêk de keyeyan reyde ameyî yewca. Hemsereka DBPyî Salîha Aydenîz Wekîlê HDPyî yê Dêrsimî Alîcan Onlu û xeylêk keyeyî tewrê pêvînayîşî bîyî.

Warê pêvînayîşî de pankarta 'Girêdayîbîyayîşê bi erjan reyde pîlkerdişê têkoşînî mumkîn o' ameye akerdene.

Aydenîze pêvînayîşî ra ver şîye zîyaretê wendekaranê Zanîngehê Munzurî yê ke ameybî destbendkerdene. Aydenîze wextê zîyaretê komeleya wendekaran de qisey kerd û vat: ''Bi têkoşînê ciwanan ameyoxî roşnî beno.'

Wekîl Alîcan Olnluyî zî bi yadkerdişê Aysele Dogan dest pê qiseykerdişê xo kerd û vat: ''Ma kede û erjanê ke ameyê afernayene, yenê pawitene. Kêmasîyêk zî est ba yê ma ya.''

Salîha Aydenîz zî zîyaretê keyeyan de vat: ''Dewlete seba ke tira tersena hêrişê kurdan kena. Ma Dêrsim, Zîlane û Cizîre de zulmê dewlete dî. Ma hol zanenê ke çi biwazê bikerê. Wazenê verê têkoşînê ma bigêrê. La xêrê erjanê keyeyan ra polîtîkayê teda û zulmî yê vera Kurdîstanî do qet yew netîce nêdê.''