Heyetê Rayberdişê Merkezî yê HDPyî  derheqê sereştişê vera HDK û Goç-Derî de eşkerayîye daye.

Eşkerayîye de ame vîrvistene ke serê sibayî polîsan eşt bînayanê HDK û Goç-Derî ser û ame vatene ke seba ke îqtîdarê AKP-MHPyî vera beno qels hêrişê komelî keno. HDPyî vat: ''Îqtîdar reyna pê operasyonanê winasênan huqûq û exlaqî binpay keno û propagandaya reşkerdiş û dezenformasyonî visneno dewre. Kam ke azadîye, demokrasî, têdûştîye, heq û azadîye wazeno hetê îqtîdarî ra sey 'terorîstî' pênase beno. AKP dişmenê pêro rengan û demokrasî yo. Hêrişê winasênî armacn kenê ke hişmendîya tekperestîye ferz bikerê. Wa cade embazê ma bêrê veradayene. Şima çend hêriş kenê bikerê zî do vînî bikerê. HDP û HDK do ameyoxê nê welatî bi mezgêkê demokratîkî newe ra awan bikerê.''