Hetkara Hemserekanê HDPyî ya Kede ra Berpirsîyare Şazîye Kose derheqê mergê kerkerê bi nameyê Ugur Kartalî de ke Dîlok de vîrusê Korona ra merd eşkerayîyêka nuştekîye daye.

Eşkerayîye de wina ame vatene: ''Embazêkê ma yo ke  karkerê kargehê solan ê Akinalbella bi, vîrusê Korona ra dinyaya xo bedilnaye. Îqtîdarê AKPyî yo ke herinda weşîye de babeta ekonomîyî ser o vindeno sermaye teşwîq keno û kar dewam keno. Îqtîdar nê prosesê îstîsnayî de pê tewirê 'Ya bixebitê yan zî gêsver bimirê' karkeran kişeno. Merdimî seba ke solan bivirazê dinyaya xo bedilnenê. Vizêr zî Akinabella de Ugur Kartalê 27 serreyî dinyaya xo bedilnaye. Sektoranê zarûrîyan ra ber ganî pêro sektorî vinderê û karkeran rê destûro bipere bêro dayene.''