Hemserekanê Pêroyîyan ê HDPyî Pervîne Buldan û Mîthat Sancarî bi mesajêkî Roşanê Remezanî fîraz kerd.

Mesaj de ame vatene ke Roşanê Remezanî mîyanê şer, hêrişan, bêhuqûqîye, îstîsmarê karkeran, talan, vêşanîye, xizanîye û felaketan de yeno pêşwazîkerdene û xeylêk keyeyî fîrazkerdişê roşanî ra bêpar verdîyayî.

Hemserekan vat: ''Pêro dinya û herêma ma binê tehdîdê hêrişan de yê. Coka ma roşanî bi hawayêkê xemgînî derbaz kenê. Hemwelatîyê ma layîqê roşananê bi erjanê hemparan ê. Her çiqas şert û mercê giranî bibê zî, rojê ke ma do roşanê raştikênî fîraz bikerê dûr nîyê. Wa Roşanê Remezanî bibo wesîleya haştî, aramî û edaletî, pîlkerdişê hişmendîya têkoşînê hemparî. Ma pê bawer ê ke do pîya nê sîstemî bivurnê, ameyoxêkê azad û têdûştî fîraz bikerê. Nê hîsan reyde ma roşanê pêro şarê xo fîraz kenê.''