Hemvervatoxanê Karanê Teberî yê HDPyî Feleknase Uca û Hişyar Ozsoyî derheqê qirkerdişê Hemserekê Konseya Rayberdişî ya Îdareyê Xoserî ya Şingalî Merwan Bedelî de ke hêrişê dewleta tirke de kişîya eşkerayîyêke daye.

Eşkerayîye de ame vatene ke Merwan Bedelî seba ke êzidîyan bipawo xeylêk têkoşîn kerd û derheqê qirkerdişê Bedelî de vat: ''No hêriş sûcê şerî yo û ma ney şermezar kenê. Hêrişê winasênî yê vera êzidîyan yenê manaya berdewamîya qirkerdişo ke DAÎŞî nêmcet verdayo, binpaykerdişê heqanê merdiman.

Eşkera yo ke tay kesî wazenê karo ke DAÎŞî nêmcet verdayo temam bikerê. Ma bi hawayêkê eşkerayî vanê ke hukmatê Tirkîya şarê êzidîyan ra çita wazeno? Şima pê bombakerdişê merdimanê sivîlan, domanan, qirkerdişê înan eşkenê se vajê?

Ma venga hukmatê Iraqî danê ke seba ke nê hêrişî reyna mebê tedbîran bigêro û wa her kes paştî bido têkoşînê êzidîyanê Şingalî.''