Hemserekê HDPyî yê qezaya Basanî yê Şirnexî Ahmet Aktug û îdarekaranê qeza vizêr dewî zîyaret kerdî. Agêrayîş de bendê cigêrayîşî yê Girê Kurtikî de polîsan nasnameyê HDPyî kontrol kerdî. Wextê kontrolî de polîsî qîra Hemserek Aktugî ser û vat: ''Meewne dormeyê xo ra.'' Altugî polîsan rê reaksîyon da. Dima 3 polîsî wesayîtî ra peya bîyî û şîyî serê Altugî. Polîsan Ahmet Aktugî ro û heqaretê ey kerd.

Wexto ke heyetê HDPyî vat 'O hemserekê qeza yo', polîsan hîna zaf da piro. Aktugî eşkera kerd ke o do gerreyê polîsan bikero û polîsan naye ser o vat: ''Şo kamî rê gerre kenî, bikere.''

Heyetî waşt dîmenan bigêrê la polîsan mudaxeleyê înan kerd, dest na telefonan ser û dîmenê ke ameyê girewtene, esteritî.