Şaristanê Marsilya yê Fransa û şaristanê Erîvanî yê Armenîstanî de hêrişê îşxalî yê dewleta tirke ameyî protestokerdene.

Marsilya de Meclîsê Cinîyan ê Arîne Mîrkan Dêra Notre Dame de la Garde de maskeyê reşî dayî xo rê û çalakîyêka bêvenge kerde. Çalakîye de vilawekî ameyî vilakerdene û derheqê qirkerdiş û hêrişanê kîmyewîyan ê Tirkîya de agahîyî dîyayî. 

Erîvan de Îdarekaranê Meclîsê Şarî eşkerayîyêka çapemenîye daye. Eşkerayîye hêrişê îşxalî yê dewleta tirke û hemkarîya PDKyî ameyî şermezarkerdene. Eşkerayîye de venga PDKyî ame dayene ke wa xeta îxanetî ra fek vera bido û venga hêzanê mîyanneteweyîyan ame dayene ke wa verê hêrişanê Tirkîya bigêrê. Çalakîye de şehîdê menga gulane zî ameyî yadkerdene.