Bajaranê Hamburg, Koln  û Kasselî yê Almanya, bajarê Bernî yê Swîsre û bajarê Avignonî yê Fransa de Têgêrayîşê Ciwanan ê Kurdan bi aktîvîteyanê cîya cîyayan hêrişê îşxalî yê dewleta tirke yê vera Rojawanî şermezar kerdî.

Hamburg de bi rayraşîyayîşêkî hêrişê dewleta tirke û bêvengîya welatanê Ewropa ameyî şermezarkerdene.

Kasel de bi slogananê  “Bijî berxwedana gerîla”, “Bijî berxwedana zindana”, “Bijî Serok Apo” rayraşîyayîş ame kerdene.

Koln de maçê boksî yê mîyanneteweyî de çalakîya bêîteatîya sîvîle ameye kerdene.

Avignon de zî bi çalakîyêke hêrişê îşxalî ameyî şermezarkerdene û mesajê xurtkerdişê têkoşînî ameyî dayene.

Bern de bi çalakîya bêîteatîya sîvîle hêrişê îşxalî yê dewleta tirke ameyî şermezarkerdene.