Konseya Rayberdişî ya Kongreya Şaran a Mezopotamya (MHK) eşkerayîyêka nuştekîye daye û vist vîrî ke nika ra 105 serrî verê cû Împaratorîya Osmanijan şarê xirîstîyanî yê Anatolîa û Mezopotamya qir kerd.

MHKyî eşkerayîya xo de îfade kerd ke hîşmendîya ê çaxî û hîşmendîya dewleta tirke ya nikayêne heman a. MHKyî ard ziwan ke heta ke dewleta tirke qirkerdişanê ke aye kerdê rî bi rî nêra û efûya xo nêwaza dejê nê qirkerdişan do dewam bikerê.

Eşkerayîya MHKyî wina dewam kena: ''Ma dewleta tirke şermezar kenê ke Qirkerdişê Seyfoyî amade kerd, ard ca û hema zî nê qirkerdişî pê vatişê 'qaşo' pênase kena. Ma rayaumûmîye û dinya reyde pare kenê ke heta ke nê qirkerdişî bêrê qebulkerdene têkoşînê yê vera na dewleta nîjadpereste do dewam bikero.''