Taxa Hişkikî ya Hîlwanî de zereyê yew poşetê silî de esteyê merdiman ameyî dîyene. Dozgerê cayê serebûrî îfade kerd ke kesê ke serranê 90an de cînayetanê faîlî-meçhulan de merdimê xo vînî kerdî, eşkenê seba testê DNA muracatî bikerê.
Taxa Hişkikî ya qezaya Hîlwanî ya Riha de axpînêk de zereyê yew poşetê silî de esteyê merdiman ameyî dîyene.
Hemwelatîyêkî wexto ke axpîn de ley ronayêne esteyî dîyî û xebere daye selahîyetdaran. Cigêrayîşê cendirmeyan, ekîpa cayê serebûtî û dozgerî de Sereko verên ê Baroyê Riha Mehmet Velat Îzol, Hemerekê OHDyî yê Riha Îbrahîm Oyke û Îdarekarê OHDyî yê Riha Sedat Altundag zî amade bîyî.
Wina yeno texmînkerdene ke esteyî aîdê merdiman ê. Esteyî erşawîyayî Dezgehê Tipê Edlîyî yê Riha. Dozgerê cayê serebûrî îfade kerd ke kesê ke serranê 90an de cînayetanê faîlî-meçhulan de merdimê xo vînî kerdî, eşkenê seba testê DNA muracatî bikerê.
Ame parekerdene ke poşetê esteyan aîdê fîrmayêka silî ya Hatayî yê û nê poşetî serranê 2000an ra nata nênê berardene. Dîya zanayene ke markaya silî serranê 90an de herême de aktîf bîye û esteyî zî aîdê ê kesanê ke serranê 1990an de hetê dewlete ra ameyî vînîkerdene.
