Hûmara 479. ya Serxwebûnî vejîyaye

Hûmara teşrîna peyêne ya rojnameyê Serxwebûnî bi manşetê 'Roşanê Gandarbîyayîşî Fîraz Bo' vejîyaye.

Hûmara 479. ya rojnameyê Serxwebûnî bi manşetê 'Roşanê Gandarbîyayîşî Fîraz Bo' vejîyaye. Hûmara teşrîna peyêne de 25ê Teşrîna Peyêne Roja Têkoşînê Vera Şîderê Serê Cinîyan, serrgêra 43. ya ronayîşê PKKyî û hêrişê kîmyewî yê artêşa tirke yenê ercnayene.

Na hûmare de Hemserekê Konseya Rayberdişî ya KCKyî Cemîl Bayik, Endamê Komîteya Rayberdişî ya PKKyî Duran Kalkan, Endama Koordînasyonê KJKyî Besê Erzîncan, Endama Konseya Serekîya Pêroyî ya KCKyî Elîfe Ronahî, Endamê Konseya Rayberdişî ya KCKyî Xebat Andok, Endama Komîteya Merkezî ya PKKyî Hêlîne Umît, Cîhan Eren û Zozane Çewlik  pê nuşte, ercnayîş û meqaleyanê xo ca gênê.

Rojname de nuşteyê 'Mojnayîşê raştîya ruhê demêkî û şerê hişmendîye' yê Rayberê Şarê Kurdî Abdullah Ocalanî zî ca gêno ke kitabê ey 'Manîfestoyê Medenîyetê Demokratîkî ra ameyo girewtene.