Têgêrayîşê Huner û Kulturê Kurdan ê Ewropa  bajarê Kolnî yê Almanya de ameyî têhet. Hunermendan derheqê qewimîyayîşanê peyênan û nê prosesî de rolê cepheyê hunerî de munaqeşe kerd û tay qerarî girewtî.

Kombîyayîş de wina ame vatene: ''Dewleta tirk  heme îmkananê xo semedê nê şerî şuxulnena. La na rewşe semedê ma zafêr muhîm a. Aye ro ganî ma  bi ruhê seferberîye nêzdîye ci bibê. Bitaybetî nê prosesî de ganî ma sey xebatkaranê kultur û hunerî rolê xo yê 'wîjdanê şarî' dahîna xorî hîs bikerê û goreyê ci gaman bierzê.''

Hunermendan veng da hêzanê PDKyî ke wa îxanetî ra bixelisîyo û paştî medo hêrişanê îşxalî û vat:  ''Eke ê wina dewam bikerê do wîjdanê ma hemeyan de bibê mehkum û pelanê tewr leyminan ê tarîxî de cayê xo bigêrê. Coka ma vanê ke ma do bi xoverdayîşî hêrişanê îşxalî bin bifînê. La ganî yewîyê  Zêrevan, Gulan û Rojî yê ke xo sey hêzanê taybetan rêxistine kerdo  vindertişê xo bibedilnê. Ma vengdayîşê xo newe kenê. Roje semedê şarê kurdî vera heme hêzanê îşxalkeran roja xoverdayîş û serkewtişî ya. Nê rojan de ma kedkar û hunermendê kultur û hunerî do sey serkêşê prosesî gaman bierzê.''

Kombîyayîş de tay qerarê ke ameyî girewtene wina yê:

1. Heme aktîvîteyan de ma do sey serkêşî aktîf cayê xo bîgêrê,
2. Semedê îrtîbatê bi hunermendanê xerîban komîsyonêk ame ronayene,
3. Heme welatanê Ewropa ke Têgêrayîşê Huner û Kulturê Kurdan tede rêxistinkerde yo de do çalakîyî bêrê kerdene,
4. Dezgehanê komelê sîvîlî, hunermendanê xerîban û dezgehanê çapemenîya xerîbe reyde do pêvînayîş bêro kerdene û dosyayî bêrê dayene,
5. Çalakîyê hunerî yê kuçeyan do bêrê kerdene.

Têgêrayîş do programê xo yê çalakîyan peyra eşkera bikero. Hunermend Xelîl Xemgînî ke bi nameyê têgêrayşî qisey kerd vat: ''Wextê azadîye yo. Nê şerê estbîyayîş û çînbîyayîşî de ma sey hunermendanê kurdan pîya bi şarê xo mîyanê çalakîyan de yê. 30 nîsane de ma do Dusseldorf de pîya bi şarê xo bi.  Vera îşxalkeran û semedê yewîya şarê xo ma vanê ke wa biciwîyo têkoşînê gerîlayan.''