Maya Wekîla HDPyî ya Şirnexî Nurane Îmîr Kadrîye Îmîr a ke 11ê çeleyî de Meydanê Teyara yê Esenboga yê Anqara ameye destbendkerdene, bi şertê qedexeyê teberê welatî û kontrolê edlîyî serbest ameye veradayene.

Maya Wekîla Partîya Demokratîke ya Şaran (HDP) ya Şirnexî Nurane Îmîr Kadrîye Îmîr (70) 11ê çeleyî de  gama ke bajarê Frankfurtî yê Almanya ra ameyêne Meydanê Teyara yê Esenboga yê Anqara de ameye destbendkerdene. Îmîre ewro vejîyaye mehmkeme û bi şertê qedexeyê teberê welatî û kontrolê edlîyî serbest ameye veradayene. Ama zanayene ke derheqê dosyaya Îmîre de qerarê nimiteyî esto û bi îdîaya ‘endamîya rêxistene‘ yena sûcdarkerdene.