Endamê Heyetê Îdareyê Merkezî yê HDPyî Velî Saçilikî derheqê 'Kampanyaya Keyeyê Wayûbirayî' de qisey kerd ke hetê partîya înan ra dîyaye destpêkerdene.

Saçilikî vist vîrî ke dima ke janê vîrusê Korona Tirkîya de vila bi zaf merdimî bêkar mendî û vat: ''Pê destpêkerdişê qedexeyan merdimî hetê kar û warê bazirganîye ra tengasîye virazîyaye. Sey HDP ma Kampanyaya Keyeyeê Wayûbirayî pare kerde. Ma nêwaşt sey AKP pê kampanyaya xo, xo bimojnê şarî. Ma waşt ke rixmê mesafeyê komelkîyî zî merdimî bieşkê pê metodan û rayîran destê yewbînan bigêrê û têkilîya hîsgerîye xurt bikerê. Bi nê armancî ma dest pê kampanya kerd. Heta nika ma xo resna tewr tay 21 hezar kesan. Xora na çarçewe de paketê werdî û paştdayîşê pereyan benê. La aslê xo de ma vat ke ma bieşkê vajê; ma bi xêrd î dost, ma bi xêr dî embaz, ma bi xêr dî hemrê. Ma no kar seba xo karêko winasên dî ke ma esasê ci ser o do bieşkê komelê birêxistinî awan bikerê.

Tay embazanê ma zî rewşa xo ya weşîye eşte tehluke mîyan û xo resna merdimê ke têna ciwîyenê û vêşanîye reyde rî bi rî yê. Hetê bînî ra xeylêk merdimê ke wazenê paştî bidê vejîyayî werte. Yanî ma pîya, mil bi mi karêko seyci kerd.''