Hemvervatoxa Kongreya Îslamî ya Demokratîke (DÎK) Huda Kaya bi wesîleya aşma Remezanî eşkerayîyêke daye û bale ante neheqîyanê ke binê nameyê dînî de yenê kerdene ser.

Kaya vat roja verêne ya aşma Remezanî de ma xebera mergê Mustafa Koçakî yo ke semedê waştişê edaletî bi rojan o ke zîndan de rojeyê mergî de girewt.

Kaya bale  ante zextê kolonyalîstan ê vera komelî ser ke wazenê hetê zîhînî ra kole bîkerî û vat xora heme erjî û eslê ci ra ameyî qerfnayene û zereyê dînî ameyo veng kerdene. Remezanî zî nê qewimîyayîşanê negatîfan ra barê xo girewt.

Kaya wina dewam kerd: "Herinda rojeyî tepiştişî de yeno teqîpkerdene ke kam/e rojeyî tepişno, kam/e nêtepişeno. Bi rojeyî ma ganî cuya û çalakîyanê xo muhasebe bikerê û semedê paştdayîşê neçeran û kesê ke azdîya xo ra mehrum mendî semedê şartanê cuya înan holekerdişî tê bigerê. Ganî na aşme de îbadeto raşt û merdîmî bêro kerdene. La herinda mirdkerdişê vêşanan de sifreyê luksî yê fitarî yenê rakerdene. Qesr de zengînî fitar danê zengînan.

Ame vîrakerdene ke çîyo ke merdimîye û vîjdanî xeripneno îmanî zî xeripneno. Televîsyonan de bi serran de eynî çîyî yenê qiseykerdene. Vîncele rojeyî şikeno ya nê. Her tim nê meseleyan ser o yeno qiseykerdene. Ewro rîye janê Korona ra ma bi xo ameyî tê rî. No semedê ma firsendêk o. Ma eşkenê newe ra manaya Remezanî ser o bifikrîyê û goreyê ci tê bigêrê.

 Ma nika vînenê ke zaf çîyo ke ma vatêne qey ma rê lazim, esle xo de hewce nêkeno. Ma vînenê ke şer senî bêmana yo xerckerdişo zaf ê zengînan sey şerî bitehluke yo û ma dîye ke têna merdim/e bîyayîş senî biqiymet o. Sere de Kabe heme cayê bimbarekî ameyî qefilnayene, merdimîye xo vîrî ra kerdbi ke rîyê erdî xora mescît o.

Nika wextê Remazanî açarnayîşê aşma paştdayîşî yo. Kesê ke dormeyê ma de hewceyê hetkarîye ma wayîre înan bivejê, ma destî ra mero zî êyê ke eşkenê paştdayîşî bidê  ma înan hayîdar bikerê. Ma bi zulm û bêedaletî kewtî aşma bimbareke. Eke ma xîret bikerê û çîyo ke hewce keno bikerê beno ka ma roşanî heq bikerê."