Eşkera bi ke Rektorîya Zanîngehê Êlihî wendekaran rê vat 'Ma şinê Riha ra gêrenê' û wendekarî pê xapînayîşî berdî mîtîngê AKPyî yê Adana. Mîtîng de werd zî nêdîya wendekaran.

Seba mîtîngê Adana yê 21ê gulane xeylêk hemwelatîyî pê otobusan ameyî berdene bi Adana. Rektorîya Êlihî zî bi bahaneya ke 'peynîya termînê perwerdeyî de gêrayîş û seyrangehî' wendekarî xapînayî û pê 3 otobusan berdî mîtîng.

Serê rayîrê Adana de wendekarî pê kayî hesîyayî û înan wendekaran rê vat: ''Cayê ma vurîya, ma hê şinê Adana.''

Wendekarêkî/e vera  nê kerdişî nêrazîbîyayîşê xo mojna û vat: ''Ma xapîyayî. Dima ke ma şîyî Adana hînî çareya ma nêmenda, ma pabeyê agêrayîşê Êlihî bîyî.''

Muftîyê Wanî zî ferman dayo malayan û vat: ''Wa her mala dewa xo de mînîbusêke debikero û şoro mîtîng.''