KCDK-E Rêxistina Qedexekerdişê Çekanê Kîmyewîyan (OPCW) rê mektubêk şawit û hêrişê kîmyewîyî yê dewleta tirke tede vistî vîrî.

KCDK-E mektubê xo de vist vîrî ke di serrî yo dewleta tirke erdê Başûrê Kurdîstanî de vera gerîlayan çekanê kîmyewîyan şuxilnena û vat: ''Ma wextêkî verî derheqê çekanê kîmyewîyan de raporêk amade kerdbi û şawitbi Doktoranê Mîyanneteweyîyan ê Vera Şerê Nuklerî (IPPNW) û OPCWyî. La rixmê ney zî IPPNW û OPCW bêveng ê. Bi na bêvengîye zî sûcanê şerî yê rejîmê Erdoganî mîyan kenê û nê hêrişan meşrû kenê.

Mesuldarîya OPCWyî ya ke kam beno wa bibo vera ê dewletanê ke çekanê kîmyewîyan şuxilnenê, têbigêro. Ganî sûcê şerî bêrê vindarnayene û warê heqanê merdiman de ganî goreyê menfaetanê sîyasîyan çew tênêgêro. Ganî OPCW û IPPNW goş bidê şarê kurdî û verê hêrişanê kîmyewîyan ê dewleta tirke bigêrê. Bêvengîya xo ra fek vera bidê û şuxilnayîşê çekanê kîmyewîyan ê Tirkîya vindarnê. Ganî OPCW cade nê hêrişanê kîmyewîyan ê Tirkîya şermezar bikero. 

Ma venga her kesî danê ke bi rayîrê emailî mektuban bişawo OPCWyî û bikero ke OPCW vera nê hêrişan têbigêro.''

Agahîyê emaîlê OPCWyî wina yê:

“His Excellency Ambassador Fernando Arias. Director-General of the Organisation for the Prohibition of Chemical Weapons (OPCW)“