Hemserekanê KCDK-E bi eşkerayîyêke seba rayraşîyayîşê Dusseldorfî veng da.

KCDK-E eşkerayîye de ame vatene ke hêrişê îşxalî yê dewleta tirke yê vera Herêmanê Pawitişî yê Meyda pêro Kurdîstanî hedef kenê, armanc kenê ke îradeyê kurdan bişiknê û destkewteyanê kurdan çin bikerê.

 KCDK-E vat: ''Hetê bînî ra nê hêrişê îşxalî bi hemkarîya xayînan ra yenê kerdene. Ma do 30ê nîsane de bi şîarê 'Vera îşxalî, Kurdîstanî bipawê' Almanya de rayraşîyayîşêkî bikerê. 40 dezgeh û partîyê Kurdîstanî yê Ewropa na çalakîye serûber kenê. Nê rayraşîyayîşî reyde ma polîtîkayanê îşxalî pûç bikerê. 

Seba pawitişê ameyoxê şarê kurdî, wayîrvejîyayîşê xoverdayîşê gerîlayan û vervejîyayîşê îşxalî ma venga pêro şarê xo, dostê înan, roşnvîr, partî û dezgehanê xo danê ke 30ê nîsane de tewrê rayraşîyayîşê Dusseldorfî bibê. Roje roja pawitişê rûmet, erd û destkewteyanê ma yo.''