KCDK-E: Ganî ma bi tewirêkê xurtî wayîrê tepişteyan vejîyê
KCDK-E venga her kesî da ke wa bibo vengê tepişteyanê sîyasîyan û vera qirkerdişê dewleta tirke bi tekoşînêkê bitesîrî têbigêro.
Nameyê Hemserekanê KCDK-E ser o derheqê hêrişanê vera tepişteyan de eşkerayîyêke ameye dayene.
Eşkerayîye de ame vatene ke dewleta tirke ya îşxalkere tepişteyanê sîyasîyan bi hawayêkê barbarî qetil kena û wina ame parekerdene: ''Dewleta tirke xîret kena ke bi qirkerdişê zîndanan çimê keyeyanê tepişteyan bitersna û hêrişê komelî bikera. Ganî nê hêrişê barbarî yê vera tepişteyan vinderê û îradeyê kurdan bêro mojnayene.''
Hemserekan venga pêro kurdîstanijan da ke wa bibê vengê tepişteyan, vera teslîmîyetî xo ver bidê. Hemserekan eşkera kerd ke seba ke verê qirkerdişan bêro girewtene, ganî her kes cade têbigêro.
