Hemserekîya Konseya Rayberdişî ya KCKyî semedê nuştoxa sosyalîste û açarnayoxe Sevim Belliya ke vizêr dinyaya xo bedilnaye mesajê serweşîye weşana û nê vatî:

''Ma bi dejayîşî eşnawit ke serkêşanê têgêrayîşê sosyalîstî û têkoşînê demokratîkî yê Tirkîya ra Sevime Belli dinyaya xo bedilnaye. Sevime Belliya ke şorişgêra girde û merdima xoverdayîşî bî û dostê şarê kurdî û têkoşînê ci bî ma bi hurmet yad kenê. Ma keyeyê ci, merdimanê ci û têgêrayîşê sosyalîst demokratîkî rê serweşîye wazenê.

Sevime Belli zî sey mêrdeyê xo Mihri Belli paştî daye şarê kurdî û Têkoşînê Azadîye yê Kurdîstanî. Tekîlîya ci ya dostîye û hemrayîye ya bi Rayber Apoyî bibî. Înan tewirê  xo zelal mojna ra û bêters bê. Tirkîya de şiknayîşê şovenîzm de û averberdişê tekîlîya mabênê têgêrayîşê sosyalîst demokratîkî yê Tirkîya û Têkoşînê Azadîye yê Kurdîstanî de rolê înan gird o. Sevime Belli eynî wextî de paştî dayêne têgêrayîşê cinîyan ê kurdan zî. Keda pîle daye. Ma do têkoşînê aye biresnê armancê ci.''