4ê kanûne Koyê Mercanî yê qezaya Pulurî yê Dêrsimî de 9 gerîlayê HPGyî şehîd bibîy. Cenazayî wedarîyabî morgê Dezgehê Tipê Edlîyî yê Meletî. Keyeyan cenazayê domananê xo şinasnayî la hema zî cenazayî nêameyî teslîmkerdene.

Keyeyan îfade kerd ke netîceya pêvînayîşan de beno ke 6 cenazayî ewro teslîmê înan bibê la leşkeran nêverda ke heman rojî 2 cenazayî şorê Dêrsim, Amed û Wanî. Bi na bahaneya 'asayîşî' 3 cenazayî do siba teslîmê keyeyan bêrê kerdene.

Seba teslîmê cenazaya Çagla Yeleser dadîya ci Gultaze Yeleser, xal û xala ci şîyî Meletî. La semedo ke xal û xale asta diyîne de merdimê cenaza yê, cenaza nêdîyaye. Eşkera bi ke waştişê beşdarîya cenaza yê dadîye rê zî hema cewab nêdîyayo.

Nameyê gerîlayanê ke şehîd bîyê wina yê:“Cîhan Soylemez (Mûnzûr-Dêrsim-1980), Çagla Yeleser (Veroz - Dêrsim - 1987), Mîhrîbane Ata (Jinda Jin - Mêrdîn - 1993), Guldane Karaer (Nûda Karker - Wan - 1992), Hasret Ulger (Rojîne - Semsûr  - 1993), Nevzat Demîr (Baz Çolemerik - Colemêrg - 1987), Nîmete Arşîmet (Şervane Artîzan, Amed - 1998), Celal Doganay (Cûdî Amed- Amed- 1996), Akîf Bedîr (Azad Wan- Wan- 1998).