Wendekara Zanîngehê Munzurî Gulîstane Doku Dêrsim de 5ê çeleyê 2020î ra nata vînîbîyaye ya. Keyeyê Gulîstane Doku seba ke kênaya xo ra xeberêke bigêro 1ê çeleyê 2022î de verê Edlîyeya Dêrsimî de çalakîya roniştişî dabî destpêkerdene. Keyeyî roja 35. de çalakîya xo qedînabî û derbazê Amedî bibi.

Waka Gulîstane Doku Aygule Doku hesabê xo yê medyaya dîjîtale de da zanayene ke ê do 22ê sibate de Anqara de bibê. Aygule Doku vat: ''779 rojî yo Gulîstane ra xebere çin a. Ma seba ke reyna persê 'Gulîstane kotî de ya' pers bikerê 22ê sibate de do Anqara de bibê. Eke Gulîstane 779 rojî yo vînîbîyaye ya ma ra çew asayî nîyo. Bêrê ma pîya uca de bibê, bibê vengê Gulîstane. Bêrê ma pîya seba Gulîstane biqîrê.''