Kibris de seba ke PKK lîsteya terorî ra bêro vetene rojêke de 4 hezar û 110 îmzayî ameyî arêdayene. Endamê Meclîsê Şarê Kurdî yê Kibrisî Aydin Îlkerî beşdarê kampanya fîraz kerdî û seba pîlkerdişê kampanya veng da.
Kibris de seba ke PKK lîsteya terorî ra bêro vetene kampanyaya îmzayan dewam kena. Vizêr şaristananê Limasol, Larnaca, Pathos û Lefkoşa de standî ronîyayî.
Endamê Meclîsê Şarê Kurdî yê Kibrisî Aydin Îlkerî derheqê standan de agahîyî dayî. Îlkerî ard ziwan ke armancê înan 4 hezar îmzayan bi la înan vizêr 4 hezar û 110 îmzayî arê dayê. Îlkerî vat: ''Ez pêro embazanê kedkaran fîraz kena. Tek rojdemê ma pîlkerdişê na kampanya yo.''
Îlkerî venga pêro şarê kurdî û dostanê înan da ke wa tewrê kampanya bibê.
