Heyetê Rayberdişî yê Kongreya Neteweyî ya Kurdîstanî  (KNK) eşkerayîya xo de nê vatî:

''Vizêr semedê çareserkerdişê meseleya kurdan rojêka tarîxî ameye ciwîyayene. Heyetêk Birêz Ocalan zîyaret kerd û Vengdayîşê Haştîye û Komelê Demokratîkî yê Birêz Ocalanî rayrapêroyîye pare kerd. Hedefê nê vengdayîşî haştîye ya, Tirkîya û Kurdîstan de înşakerdişê komelê demokratîkî û rayraberdişê sîyasetê demokratîkî yo.

No semedê zaf hetan vengdayîşê têgêrayîş o. Ma veng danê selahîyatdaranê dewleta tirke semedê vindarnayîşê şerî, akerdişê verê sîyasetê demokratîkî ganî şertê ci bêrê caardene ke Birêz Ocalan azad bieşko bixebito. Ganî meseleya kurdan bêro meclîs û bi rayîrê demokratîkî bêro çareserkerdene.

Ma sey KNKyî nê vengdayîşî muhîm û tarîxî vînenî û paştî danê ci. Seba ke no firset bêro erjnayene û  semdê çaresera haştîyane û demokratîke ma do pêro çimeyanê xo seferber bikerê.

Bi na wesîle:

Ma sere de veng danê selahîyatdaranê dewleta tirke ke wa nê firsetê tarîxî nêremnê, cevabê bidê nê vengdayîşî, verê sîyasetê demokratîkî abikerê  ke meseleya kurdan bi rayîrê dîyalogî bêro çareserkerdene.

Heta nika mesajê ke warê mîyaneteweyîyî ra ameyî pozîtîfî ê la qîm nêkenê. Ma veng danê hêzanê globalan ke wa semedê haştîye û dîyalogî rolê xo kay bikerê. Çunke têna eşkerayîye qîm nêkenê.

Ma veng danê heme partî û rêxistinanê Kurdîstanî û şarê kurdî ke nê demê hesasî de pîya têbigêrê, paştî bidê Vengdayîşê Haştîye û Komelê Demokratîkî, yewîya xo xurtêr bikerê û têkoşînê haştîye û demokrasîyî xurtêr bikerê.''