Endamê Meclîsê Partîye yê HDPyî Gultekîn Koçdemîrî ANFyî rê qisey kerd û polîtîkaya şerî ya îqtîdarî ercnaye.

Koçdemîrî da zanayene ke polîtîkayê bihêzkerdişî yê îqtîdarî hînî pê kurd, sosyalîst û hêzanê demokrasî nêeşkenê û vat: ''Zîndanî, tepiştişî û destbendkerdişî îqtîdarî rê nêvejîyayî. Merdimî vera îqtîdarê faşîstî wurzenê we. Newroze netîceya ney bîye. Ma do bi hêzê Newroze  ver bi 1ê Gulane şinê. Tirkîya de şer beno sebebê vêşanîye û krîzê ekonomîkî. 1ê gulane de ma do îfade bikerê ke şer yeno manaya merg, rijîyayîş û xizanîye.. Ma sey sosyalîst û şorişgêran vera şerî destê ma ra çita bêro do bikerê.''

Koçdemîrî pare kerd ke komel nêeşkeno biciwîyo û vat: ''Îqtîdarê AKP-MHPyî wazeno pê şerî îqtîdarê xo bipawo la hînî şer do nêeşko înan bixelisno. Hînî hêsirê şarî nêmendo ke bibermo, nêeşkeno daymîş bibo. Mumkîn nîyo ke pê deyîranê çêrîye cuyêke bêra ronayene. Xizanîye ça de xorin biba, uca de têna sermaye şerî ra fayde vînena.''