Vakurê Kurdîstanî de muracatê namzetîya namzetanê şaredarîye 1ê kanûne de dest pêkerd û heta 20ê kanûne do muracatî dewam bikerê. Sere de Amed şaristananê Vakurê Kurdîstanî de komîsyonanê weçînayîşî rê eleqeyo pîl yeno mojnayene.

Vervatoxê Komîsyonê Weçînayîşî yê Amedî derheqê babete de ANFyî rê qisey kerd.

Vervatoxî îfade kerd ke şar şaredarîyanê xo apey wazenp coka hende eleqe mojneno û vat: ''Roja verêne ra nata xeylêk kesan muracatê ma kerd. Ma vînenê ke şar bikelecan o ke şaristananê xo apey bigêro. 2016 ra nata şaredarîyê kurdan destê qeyûman de yê la şar reyna zî bi nê muracatanê xo wayîrê şaristanan vejîyeno. Emser seba dîyarkerdişê namzetan metodê pêkerdişê şaristanî do bêro caardene. Prosesê dîyarkerdişê namzetan bi beşdarîya şarî û bi hawayêkê zelalî do derbaz bibo.''

Vervatoxê Komîsyonê Weçînayîşî yê Amedî ard ziwan ke netîceya tecrubeyanê têgêrayîşê azadîye de ewro her kes eşkeno seba namzetîye muracat bikero. Vervatoxî vat: ''Eleqe pîl o. Ma hedef kenê ke sîstemê hemserekîye û meclîsanê şaredarîyan de temsîlîya têdûşte bîyarê ca. Ma giranîye danê ney ser ke ciwanî hîna zaf îdareyanê şaristanan de rolan bigêrê. Coka ma pawenê ke cinî û ciwanî wa hîna zaf wayîrê nê prosesî vejîyê û muracatê ma bikerê.''