Kadroyê serkêşî yê PKKyî Riza Altun û Alî Haydar Kaytan do 17ê gulane de paytextê Îngilîstanî London de û 18ê gulane de şaristanê Solothurnî yê Swîsre de bi merasîman bêrê yadkerdene.

London de merasîm 18.00 de Merkezê Komelê Kurdan de bêro kerdene. Hemserekê Meclîsê Şarê Kurdî Saît Suruçî bi rayîrê ajansê ma venga pêro kesan da ke tewrê merasîmî bibê Suruçî vat: ‘’Seba ka ma nê wird serkêşan yad bikerê, merasîmêkî virazê. Ma do bimojnê ke ma peyê rêçê nînan de yê. Seba newekerdişê sozê berzkerdişê ala înan û caardişê îdealanê înan ma kom bibê.’’

Merasîmê Solothurmî Oscar Palaca de do 12.00 de dest pêbikero. Hemsereka CDK-Syî Dîlane Çetînkaya dîyar kerd ke amadekarîyê înan qedîyayê û vat: ‘’Ma do serkêşanê raştîye û cuya azade pîya yad bikerê. Ma do soz bidê ke xeyalê înan bi qerardarî bîyarê ca. Ma venga pêro şarê xo û dostanê xo danê ke tewrê merasîmî bibê.’’

Bername wina yo:

London, şeme, Merkezê Komelê Kurdan/Haringey, Portland Gardens, Harigey Ladder/ N4 1HU

Solothurn, yewşeme, 12.00, Oscar Palace, Maienstrasse 6 2540 Grenchen