Komplo û tecrîd ameyî protestokerdene
Xeylêk welatanê Ewropa de bi akîtvîte û çalakîyanê cîya cîyayan komplo û tecîrî ameyî protestokerdene û azadîya fîzîkîye ya Rayberê Şarê Kurdî Abdullah Ocalanî ameye waştene.
Çarçewaya kampanyaya ''Abdullah Ocalanî rê azadîye meseleya kurdan rê çareserîya sîyasîye'' de vizêr reyna kurdî û dostê înan vejîyayî waran û bi aktîvîte û çalakîyanê cîyayan azadîya Ocalanî waşte.
Synneyê Avusturya de verê Parlamentoyê Eyaletî Komployê 9ê Teşrîna Verêne ame protestokerdene.
Paytextê Fransa Paris de semedê azadîya fîzîkîye ya Rayberê Şarê Kurdî Abdullah Ocalanî stand ame akerdene.
Giesenê Almanya de Meclîsê Cinîyan ê Berçeme û dostanê kurdan çarçewaya Rojanê Abdullah Ocalanî rê Azadîye de panelêk organîze kerd.
Bajaranê ST. Polten û Ternitzî yê Avusturya de bi tewrbîyayîşê avûkat Cengiz Yurekli û wekîlê DEM Partî yê Kamuran Tanhanî kombîyayîşê şarî ame kerdene.
Paytextê Yunanistani Atina de semedê protestokerdişê komployî Maratona ra heta verê Konsolosxaneyê Tirkî rayraşîyayîş ame kerdene.
