Konferansê Kurd-Erebî ke paytextê Iraqî Bexdad de ame kerdene, bi serkewtişî qedîya. 

Akademîya Fikr û Sîyasetê Demokratîkî rayberîya konferansî kerde, Komeleya Azadîye paştî daye konferansî. Endamê Komeleya Standartî, Rêxistina Ciwananê Şingalî û Komeleya Dostanîye ya Ewropa zî tewrê konferansî bîyî. 

Netîcenameyê konferansî wina yo:

''-Konferans seba şinasnayîş û tesdîqê pêro nasname, îdeolojî, netewe, kulturanê Iraqî, Rojhelatê Mîyanênî û Afrîkaya Vakure bixebita.

-Konferans dîyar keno ke ganî pêro mesele û nakokîye pê şerî nê pê rayîrê dîyalogan bêrê çareserkerdene.

-Konferans seba pawitiş û averberdişê erjanê hemparan do bixebito.

-Konferans do qetî dayaloganê mabênê kulturanê Iraqî bixebito.

-Konferans têdûştîya cinîyan û camêrdan qebul keno û şîdetê vera cinîyan red keno. Kongerans girîng vîneno ke cinîyî her warî de aktîf bibê.

-Konferans sîyaset, hişmendî û hêrişanê dewleta tirke red keno.

-Demokrasî, federalîzm, îdareyo nemerkezî û xoîdarekerdişê beşanê komelî do bibê bingeyê averşîyayîş û azadîyan.

-Seba dewletêka moderne nêbeno ke beşêkê komelî bêro teberkerdene.

-Hewceyê dîyalog û zelalîye esto. Eke mesele estba ganî pê rayîrê qanûnan û destûrê bingeyî bêra çareserkerdene.''