Eşkerayîyanê Kongreya Amerîka de pêşnîyazê Trumpî ame redkerdene ke Trumpî waştêne ke senatorê ke agêrîyayê Washingotî wa înan rê test bêro kerdene.

Meclîsê Temsîlkaran de Sereka Demokratan Nancy Pelosi û Serekê Komarperestan ê Senatoyî Mitch McConnellî pê eşkerayîyêka hempare no pêşnîyazê Trumpî red kerd.

Eşkerayîye de ame vatene ke test û xizmetê kontrolî yê ke seba kongre dîyayî kişte, do dîyarîya dezgehanê sey nêweşxaneyan bêrê kerdene ke 'ê zêdêr hewceyê ci yê.'

Amerîka de heta nika vîrusê Korona ra 66 hezar kesî merdî. Endamê Senatoyî yê ke mabên dabi dişeme reyna do bêrê pêser û kombîyayîşêkê kilmî bikerê.