Kongreya HDPyî ya Eskîşehîrî bi gefan ameye astengkerdene
Kongreya HDPyî ya ke ameyêne plankerdene ke qezaya Înonu yê Eskîşehîrî de bêra kerdene gefanê polîsan ra ameye astengkerdene. HDPyî kongreya xo cayêkê akerdî de kerde.
Kongreya HDPyî ya Eskîşehîrî bi gefan ameye astengkerdene. Goreyê eşkerayîya ke hetê Buroyê Çapemenîye yê HDPyî ra ameye dayene nê zanayîşî ameyî parekerdene:
"Hêrişê vera partîya ma dewam kenê. Kongreya ke partîya waşt ke qezaya Înonu ya Eskîşehîrî de bika ameye waştene ke bêra astengkerdene."
Goreyê eşkerayîye cayo ke seba kongre amebi kîrakerdene wayîrê ci zî hetê polîsan ra ame gefwendene. Naye ra kongre cayêkê akerdeyî de ameye kerdene.Kongre de ke nêzdîyê benzînxaneyêkê nêzdîyê taxa Înonu de ameye kerdene, îdareyo newe ame weçînayene. Na kongre hetê heyetê weçînayîşî ra ameye qeydkerdene.
