Nuştoxo polonyayîj Tomasz Konicz pê berhemanê xo  felsefeya alternatîfe ya almane de  bîyo kesayetêkê namdarî. Koniczî heman wextî de pisporêko sereke yê teorîya dinya yê Immanuel Wallersteinî yo. Konicz çapemenîya almene ya sey Telepolis, Neues Deutschland û Kontretî de nuşte û meqaleyê xo weşanayî. Koniczî dergeqê tecrîdê Îmraliyî û tesîrê Azadîya Rayberê Şarê Kurdî Abdullah Ocalanî de ANFyî rê qisey kerd.

Koniczî vist vîrî ke rixmê biranê Mehkemeya Heqanê Merdiman a Ewropa (MHME), raporanê CPTyî Ewropa bi taybetî Almanya vera tecrîdê Îmraliyî bêveng manenê. Koniczî da zanayene ke semedo ke dewleta tirke seba Almanya herême de pê rolê pirdî têgêrena Almanya vera tecrîdî bêveng manena.

Tomasz Koniczî îfade kerd ke Tirkîya verê derbazbîyayîşê multecîyan gêna û sekepawitoxa berê sînorê Almanya ya. Koniczî vat: ''Nê hesaban ra semed demokrasî û krîterê heqanê merdiman nêdîyenê. Nêzdîbîyayîşê Almanya bi taybetî meseleya kurdan de bi hawayêkê eşkerayî dîyeno. Bêvengîya vera tecrîdkerdişê Abdullah Ocalanî nêzdîbîyayîşê meseleya kurdan kifş kena.

Nuştox Koniczî pare kerd ke almanya vera Rûsya û Çînî qerta heqanê merdiman bi lezî şuxilnena la wexto ke babete Abdullah Ocalan, îşxalê Rojawanî yan zî binpaykerdişê heqanê merdiman bibê Tirkîya rê vengê xo nêkena.

Koniczî vat: ''Waştişê azadîya Ocalanî yeno manaya çareserîya haştîyane ya meseleya kurdan. Rejîmê Erdoganî coka verê çareserîya mende ya Abdullah Ocalanî gêna. Çunke prosesêko winasên do peynîya îqtîdarê Erdoganî bîyara. Goreyê mi haştîya Kurdîstanî û azadîya Abdullah Ocalanî do bibê destpêkê qedînayîşê metodanê çekdaran.''