Faşîstanê AKP-MHPyî Konya de reyna hêrişê keyeyê kurdî kerd. Hêrişê faşîstan de 3ê înan cinîyî 7 kesî ameyî qetilkerdene.

Taxa Behçeşehîrî ya qezaya Meramî ya Konya de keyeyo kurd Dedeogullari 12ê gulane de raştê hêrişê 60 nîjadperestan amebi û endamê keyeyî giranî birîndar bibî. Hêrişakaran reyna hêrişê keyeyî kerd. Hêrişê faşîstan de keyeyê Dedeogullarî ra 3ê înan cinîyî 7 kesî ameyî qetilkerdene û vêşnayene.

Nîjadperestanê ke 12ê gulane de eşt keyeyê Dedeogullari ser û vat 'Ma ulkucî yê, ma nêverdê şima tîya de biciwîyê' û pê kerra, kard û kolîyan hêrişê keyeyî kerd heme serbest ameybî veradayene.