Hêrişê vera Şingalî ameyî şermezarkerdene

Xeylêk welatanê Ewropa de kurdan û dostanê înan hêrişê hukmatê Iraqî yê vera Şingalî pê çalakîyan şermezar kerdî.

ANF
MERKEZÊ XEBERAN
03/05/2022, 07:05

Badê hêrişê hukmatê Iraqî yê vera Şingalî vizêr reyna kurdî û dostê înan bi vengdayayîşê KCDK- E û TJK-E vejîyayî waran û paştî daye Şingalî.

Çalakîyan de hêrişê vera Şingalî ameyî şermezarkerdene û veng dîya dezgehanê eleqedaran ê Ewropa ke wa bêveng memanê. Qiseykerdişan de bale ameye antene qirkerdişanê vera êzidîyan ser û ame vatene ganî destûrê fermanê bînî mero dayene. Çalakwanan vera hêrişê îşxalî yê dewleta tirek û hemkarîya PDKyî zî hêrsê xo ard ziwan û vat ê do têkoşînê xo pîlêr bikerê.

Limasol