Standê Azadîye  yo ke semedê azadîya Rayberê Şarê Kurdî Abdullah Ocalanî bajarê Lozanî yê Swîsre de yeno kerdene, kewt heteyê 26ine.

24ê teşrîna peyên a 2021î ra nata her çarşeme meydanê St Laurentî de stand yeno akerdene. Stand de kitabê Abdullah Ocalanî yenê vilakerdene û derheqê paradîgmaya ci de yeno qalkerdene. Reyna seba ke PKK lîste ra vejîyo îmzayî yenê arêdayene.

Sitki Demirî ke bi nameyê Merkezê Komelê Kurdan ê Lozanî qisey kerd ard ziwan ke çalakîya standî zafhetin dewam kena û vat ê çalakîya xo de felsefeya Abdullah Ocalanî û PKKyî danê naskerdene û bale ancenê hêrişanê dewleta tirke yê vera Kurdîstanî ser.