KCDK-E bi eşkerayîyêka nuştekîye xespkerdişê şaredarîyanê Dêrsim û Pulurî şermezar kerd û veng da ke vera hêrişan wa Ewropa de her kes tewrê çalakîyanê 25ê Teşrîna Peyêne bibo.

Eşkerayîye de ca dîya nînan: ''Îtîfaqê faşîstî Dêrsim û Pulur de îradeyê şarî xesp kerd û reyna dişmenîya xo ya vera kurdan ramojna.Bi hêrişanê vera şaredarîyan sîstemê hemserekîye û îradeyê cinîyan yeno hedefgirewtene. Vera heme erjanê kurdan, kultur û heqê ci yê cuye eşkera hêrişê qirkerdişî yenê kerdene.

Wazenê ke bi nê hêrişan şarê Dêrsimî teslîm bigîrê. Şarê kurdî ke çirey milê xo çewt nêkerdo wazenê milê ci çewt bikerî la ê se kenê wa bikerî kurdî çirey milê xo çewt nêkenê. Dişmenê kurdan zanê ke şarê Dêrsimî vera her qeyde zextan û zulman tim sereberz payra yo.

Bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan a Dinya serkêşîya TJK-E de Ewropa de çalakîyî ameyî organîzekerdene. Ma veng danê ke vera nê hêrişanê ke îradeyê cinîyan hedef genê, wa her kes aktîf tewrê çalakîyan bibo.''