Serkêşîya Têgêrayîşê Ciwananê Şorişgêran (TCŞ) û Cinîyan ê Ciwanan ê Têkoşeran (Tekojin) de şeş welatanê Ewropa de vera hêrişanê îşxalî yê dewleta tirke yê vera Kurdîstanî Rayraşîyayîşo Derg amebi organîzekerdene. Polîsanê Fransa destûrê Rayraşîyayîşê Dergî yê Marsilya nêda.

Marsilya de ciwanan bi eşkerayîyêke nêerazîbîyayîşê xo ard ziwan û vat Fransa bi nê tewirê xo bena hemkara hêrişanê dewleta tirke. Ciwanan vat ê do tim çalakîyanê xo rê dewam bikerê û badê eşkerayîye warê teyarayan de çalakîya bêîteatîya sîvîle kerde. Ciwananê ke beyraqê PKKyî û posterê Rayberê Şarê Kurdî Abdullah Ocalanî kiriştî, bi sloganan hêrişê îşxalî û paştdayîşê NATOyî protesto kerdî.